46 - EP46學校心適代－咱愛有禮貌

「佇厝講台語」第四十六集：學校的心適代—咱愛有禮貌

今仔日拜一，咱欲來討論「學校的心適代」，邀請著東湖國中的周喆畇同學來現場開講，分享學校推捒禮貌教育的成果與趣味。

喆畇有介紹禮貌教育是東湖國中的特色，學校透過仝年級比賽的方式，贏的班級會當毋免穿制服來學校。這項比賽是請主任、老師、糾察隊佮警衛阿伯拍分數，予學生共禮貌當做慣勢，轉去厝裡嘛會主動講多謝、歹勢。

最後主持人鼓勵聽眾轉去厝裡佮爸母分享禮貌的話題，增加佇厝講台語的機會。