88 - 大細目，懸低耳

阿雲佮阿珍是仝一個時期進入公司試用的助理，阿雲較認真，阿珍較活潑，兩个人的試用期結束，主管共阿珍拍的分數比阿雲較懸，而且自後個月開始，阿珍的薪水閣比阿雲加兩千箍。這個時陣的阿雲感覺有夠委屈，心情有夠䆀。䢢拄䢢公司的大客戶欲來簽約，無歡喜的阿雲竟然規个人失去控制，佇客戶的面頭前共杯仔抨落去塗跤，噴出來的咖啡共客戶淋甲規身軀澹漉漉，就按呢 公司五千萬的訂單就無去矣。
安住老師， 我咧想會發生這款代誌，應該是主管「 大細目，懸低耳 」所造成，因為伊對員工無公平，哪會當按呢拍分數，認真的分數較低，顛倒摸飛的分數較懸，莫怪阿雲會無歡喜，尾仔毋才會惹出遮爾大的風波。阿如，你頭拄仔講的「大細目，懸低耳」，講較白的，就是「 大細漢差遐濟 」。