18 - 少年袂曉想，食老毋成樣

老大人歲數較濟，社會經驗豐富，尤其一寡人情世事，較知影鋩角，親像看咱咧包紅包，就共咱提醒「人情世事陪夠夠，無鼎閣無灶」，提醒咱毋通為著顧面子，紅包包傷大包，若無，到月底就無錢通食飯。年久月深，身軀邊無法度儉寡錢，按呢食老日子會真歹過，這就是「少年袂曉想，食老毋成樣」的道理。像這種教示，咱愛謹記在心，若無，你就會「毋聽老人言，食苦在眼前」、「毋聽老人話，你會真狼狽」。