73 - 三分人，七分妝

「三分人，七分妝」佮「三分媠，七分妝」的意思就親像電視廣告所講的『只有懶女人，沒有醜女人 』，查某人 只要你好好仔打扮，就會予家己變甲閣較媠。仝款意思的俗語閣有 「 三分姿娘，七分打扮 」 ，甚至講著化妝、打扮這款代誌，閣會共神明請出來贊聲，像講「 人重妝，佛重扛 」，有的是講 「人食妝，佛食扛」 ，若親像一定愛按呢做，才對會起社會、神明 。不而過 我講一大堆，咱若認真來思考 、好好仔共想看覓 咱應該會當發現頂頭所講的代誌 ，攏是徛佇男性的立場來要求女性，感覺真無公平 。