114 - 目睭金金人傷重

「目睭金金人傷重」，(目睭金金人傷重)，看起來若好好，著毋著?毋過其實精神狀態無講足好，因為代誌濟，咱欲煩惱的代誌，猶未處理好勢，尤其這馬台語發展閣受著真大的打擊，所以有時精神就無好，毋才會講:「目睭金金人傷重」。其實講著身體健康這方面，咱祖先共咱教啥？「四十過，年年差；五十過，月月差」，阿如，「六十過咧?」「日日差」，這是一種形容啦，就是講咱的身體狀況真正是愈來愈無好，所以人講:「少年靠營養，食老靠保養。」這是一个觀念，有時是講:「好命毋值得勇健，好額毋值得會食。」所以有法度共家己的身體照顧好勢，這真正是人生的大代誌。