53 - EP53啥物當時行－這是我家己做的喔！

「佇厝講台語」第五十三集：啥物當時行—這是我家己做的喔！

今仔拜三，咱欲討論的主題「啥物當時行」，邀請著復興高中的陳家弘同學來現場開講，分享這馬最時行的「家己做」上健康。

節目中，家弘同學為著減少食外口、避免傷油傷鹹，伊最近攏「家己煮飯」。煠高麗菜、番薯葉、豬肉或雞胸肉，干焦摻一寡仔鹽佮豆油，雖然簡單煞真健康，予伊足有成就感。家弘嘛分享家己會去菜市仔買著時的蔬果來減少碳排放。

最後主持人鼓勵聽眾轉去厝裡佮爸母分享家己動手做的經驗，增加佇厝講台語的機會。