55 - EP55欲去佗𨑨迌－相招來去感受大自然

「佇厝講台語」第五十五集：欲去佗𨑨迌--相招來去感受大自然

今仔日是拜五，討論的主題是「欲去佗𨑨迌」，邀請著復興高中的黃楷和同學來現場，分享離臺北上近的大自然景點。

節目中，楷和同學介紹伊上愛去貓空那行步道，那聽鳥仔叫、看蝶仔飛。伊嘛推薦捷運站出來就到的象山，沿路會當欣賞大石頭佮植物，閣會當看著臺北 101大樓！咱會使暫時共手機仔囥咧，互相陪伴，這才是真正的幸福。

主持人鼓勵逐家轉去厝裡和阿爸阿母分享生活中的趣味代，提升台語的口說能力，嘛培養親子之間的感情。