91 - 一粒田螺煮九碗公湯

其實這句「一粒田螺煮九碗公湯」有兩種意思，一種就是厝裡較散赤，無啥物物件通好煮，干焦一粒田螺，水就愛一直加一直加，按算有一个味就好。以早嘛有人講笑詼，有人因為厝裡較散赤，老爸就佇壁頂畫一隻鹹魚，欲食飯的時陣就講:「看一眼就會使食一喙，按呢知影無？」若是共「一粒田螺煮九碗公湯」，後壁紲落去共接「三粒田螺煮一水缸」，愈煮水摻愈濟，這个時陣就毋是講厝裡散赤，這是咧強調啥物?除了散赤以外，講伊講話足𠢕按怎？膨風!