64 - 一个人一款命

「一个人一款命」是講每一个人命運攏無相仝。有的人生落來是含金湯匙仔出世，毋過嘛有人是散甲強欲予鬼掠去，好額散差誠大，就親像俗語講的 「富的富上天，散的斷寸鐵」；有的人誠 𠢕讀冊，無論佗一科攏真厲害，不而過嘛有人若講著讀冊隨共你應愈讀愈慼，毋知是按怎會差遮濟 嘛有人講「落塗時，八字命」，這句俗語內底所講的八字，是指咱出世的生時日月。誠濟人相信咱一生的命運，佇咧出世的時就註定好好， 「一个人一款命，命運天註定」， 無論好䆀咱攏愛接受 ，若無滿意就去拍拚、去改變，毋通怨天怨地怨鱟桸 、怨飯篱 。