60 - EP60欲去佗𨑨迌－阿公阿媽！我轉來矣！

「佇厝講台語」第六十集：欲去佗𨑨迌-阿公阿媽！我轉來矣！

今仔日拜五，欲討論的主題是「欲去佗𨑨迌」，邀請著大同高中的范丞薰同學來現場，分享歇睏日去阿公阿媽兜的經驗。

節目中，丞薰同學分享雖然庄跤無百貨公司抑是電影院，毋過對伊來講遐是全世界上好耍的所在。轉去的第一件代誌就是食阿媽準備的豐沛好料；伊嘛會陪阿公巡菜園、坐在門口埕開講。阿公阿媽的關心予伊感覺足幸福佮自在的。主持人嘛講：𨑨迌無一定愛去真遠的所在，轉去溫暖的阿公阿媽兜嘛是一種享受。

最後鼓勵聽眾轉去厝裡佮爸母開講，增加佇厝講台語的機會。