109 - 生食都無夠，哪有通曝乾

一个國家的經濟愛收入、支出有法度處理好勢，財政才袂出問題。國家是按呢，家庭、個人嘛攏仝款。「生食都無夠，哪有通曝乾。」意思是講已經無啥物錢矣，莫講買物件來曝乾，連買生的錢都無，因為欲曝乾進前先愛有錢買物件，閣愛有錢買柴火來烘，所以「生食都無夠，哪有通曝乾。」意思就是講這馬散甲欲予鬼掠去，莫講大條的，連細條的都無，這種情形就是華語所講的「捉襟見肘」，日子真歹過。