141 - 見笑轉受氣

老師，我昨昏去郵局辦代誌，有一个太太，伊無紮證件就硬欲領錢，(遮酷刑喔)，著啊，郵局的人員誠好禮仔共講，這是政府有規定，若領超過三萬箍就愛共你看證件，伊就聽袂落喔，邊仔的人勻仔共講，伊竟然翻過頭來罵別人。有的人真正是按呢，家己做毋著閣毋承認，閣欲一定欲諍，「死鴨仔硬喙桮」就是按呢，這種人咱講伊按怎？叫做「見笑轉受氣」。甚至有時咱閣用一句話講:「銅牙槽，(銅牙槽)，鐵喙齒，(鐵喙齒)。」就是講規个喙攏是足勇的，就欲佮你諍，諍甲贏按呢。