77 - 三講，四毋著

咱今仔日就來介紹佮講話有關的俗語。會曉講話的人，對伊的人際關係有誠大的幫助，莫怪俗語會講「 一喙水，二風水 」，意思是講𠢕講話的人佇社會佮人競爭會較占優勢。只不過有的人頇 顢講話，有時講規晡，人嘛毋知伊講話的重點是啥，實在真浪費時間嘛會顧人怨 。閣較慘的是有人愛烏白講話，一支喙敢若放送頭咧，烏白講、亂使炸，講話無揀話，聽完會予人起性地，按呢就蓋毋好。