61 - 九月颱，無人知

老師講的「九月颱，無人知」，應該是講農曆九月的時陣，照理講風颱期已經過矣，毋過佇古早無氣象預報的年代，到九月逐家掠準已經無代誌矣，就袂去做防颱準備 。佇這種 狀況之下，若無張無持來一个大風颱，一定會予風颱搧甲真厲害，莫怪祖先會提醒咱講「九月颱，無人知」，就是教咱愛知影『未雨綢繆』的道理 ，毋通平常時仔激怐怐，逐項代誌攏無要無緊，等到問題愈舞愈大，舞甲袂收山的時才來後悔，按呢就袂赴矣。