99 - 欠錢怨債主，不孝怨爸母

「欠錢怨債主」，我欠錢是你共我害的，你愛想講當初時，是你共我一直哀求，錢才借你，結果你竟然這馬來怪我，閣歹聲嗽，實在真酷刑。是按怎「不孝閣怨爸母」，你家己不孝閣講是按怎欲共我生落來?是按怎恁做爸母的人，攏無足濟錢予我。其實欲錢愛家己去趁，做爸母的自細漢共咱搦屎搦尿，晟養大漢已經足辛苦矣，所以足濟代誌若咱家己做無好，咱愛檢討家己，毋通「不孝怨爸母，欠錢怨債主」，甚至股票跋輸閣怪政府，牽拖東、牽拖西，其實這攏無法度解決代誌，所以咱愛想予清楚，到底欲按怎做，才會當共問題解決?這是咱愛去思考的問題。