60 - EP60考前來降壓

這集《暢樂客語屋，WOW！》以「考前來降壓」做主題，逐擺考試前都愁慮到睡毋落覺(睡不著)，明明背到熟熟，一看到考卷大腦就當機，還會肩頭硬、頭那痛，壓力大到會敨氣毋得(無法呼吸)，這兜係副交感神經失衡現象。

邀請客語家庭个親子來賓育璿摎厥个媽媽立琪，分享仰般在考前放鬆減壓个方法。

育璿表示自家摎阿姆在考前个神奇紓壓法就係「身心三步數」：第一步「4——7——8敨氣降壓法」跈等做四到，透過刺激副交感神經，分(讓)心跳摎緊張慢下來。第二步「坐凳仔拉肩頭摎頸根」分大腦个帶氧量增加，頭那較毋會痛。第三步「手腕轉轉啊摎手心放輕鬆」，摎末梢神經个壓力放忒，手較毋會顫。節目最尾鼓勵聽眾朋友摎「降壓三步數」拿出來用，分生活作息摎心情定疊下來，調控自律神經分大腦放鬆，祝福學生仔考試順序，拿著好成績。