59 - 少年袂曉想，食老毋成樣

阮做老師的人攏會奉勸學生，愛趁春少年時，好好仔學習，因為「花開 在春天，求學在少年」，就是這款意思。時時刻刻認真學習，一直充實家己的實力，愛予家己 「做人好內才，學問滿腹內」，有較強的競爭力，按呢毋才綴會著時代。做老師的上驚學生囡仔貧惰讀冊 、顧耍，無欲認真學。少年若無好基礎、好底蒂，按呢大漢就較僫佮人拚輸贏 ，後擺出社會就歹揣頭路，踮社會就歹徛起，按呢就會「少年袂曉想，食老毋成樣。 」